همسة عتـاب بينـك وبيـن نفسك

حــاول تقعـد قاعـدة صُلـح مـع نفسك

خـد منهـا ميعـاد وإفضالهـا
إسمــع منهــا ...
ولومهــا وعاتبهــا وطهّرهَــا .. وإياك فيوم تخسرها

إقبــل عيوبـك كلهـا .. ( إقبلهـا الأول ) .... وبعدين غيرهـا

ولـو فيـوم بينكـم مشاكل ,,, إوعـاك فيـوم تكبّرهـا

ولـو لقيتهـا فيـوم مخصمـاك هاديهـا .. أيوة هاديهـا
جيبلهـــا هديــة .... ( وعبّرهــا ) ♥

جـرب حـاول وهتِقْــدر ... وهتتحـل أزمتـك مـع نفسك مـن جوهرها

انا بحبك عارف ليه

انا بحبك عارف ليه

عشان لما الدنيا تضلم خالص في عينيا
مش بابقي خايفه لانك جنبي ومعايا

عشان انت الوحيد اللي ممكن اعيط
قدامه من غير ما اتكسف
او اتوجع ان حد شاف ضعفي
بالعكس بارتاح اوووي بعدها
لما احس بطبطبتك علي قلبي

عشان بالاقيك في اي وقت
احتاجك
موجود علي طول ولا مرة خذلتني

عشان في اي وقت
ما اتكسفش اني اخبط علي بابك
ودايما بابك مفتوح

عشان انت قريب اوي
وحنين اوي
ودايما حاسس بيا
وبتحبني

وعشان حتي لو ضعفت
وغلطت
وزعلتك مني
بتمد لي ايدك اول ما ارجع لك
وتسامحني

واكيد انت سبحانك عارف بحبك ليه

يااارب .. ♥ ♥ ♥

الأحلامــ

الأحلامــ
تغفو معنا .. لكن لا تضيع .. تظل مُعلقة بين السماء والأرض ولن تأتي واقعاً إلا باليقين .. عاملوا أحلامكم كما تعاملون الصديق .. ضعوها بمكان آمن جداً ثم أغرفوا لها قلباً بظن الله لا يخيب .. ابعثوا لها رسائلكم في المساء .. احكوا لها عن أشواقكم وعن الأماكن التي ستقضونها معاً .. ابعثوا لها هدايا من الأمل .. ثم انظروا للسماء وابتسموا لأنها ستأتي من هنا ذات صباح ..

لأن الله ربنا .. ستأتي ّ لن تضيع أو تخيبــ

أضحك يقولوا
دا فاق
أبكي يقولوا
بلاء
أسكت يقولوا
فُراق
متصدّقوش القِشْر
ياما ضحكت
جراح
ياما بكيت
أفراح
ياما سِكِت
و راح
بعد السكوت الفِكْر
البنت دي مش بكر
الشمس دي مش نور
الأرض دي مش ثابتة
و لا القمر بيدور
و لا البراح بيساع
حتّى الإجابة سؤال
و الفارس الخيّال
مِتْخان من الأتباع

احيـــــــــــــانا

احيـــــــــــــانا

احيانا اعشق الوحدة واشتهيها واتمناها الى ما لانهاية
احيانا اشعر ان وجود الناس حولي يخنقني ولا استطيع التنفس
وانا وحدي اشعر بنسيم الحرية يملأ رأتاي
... ...احيانا اشعر ان الكون مزدحم ... كله ضجيج ... واتمنى ان يكون لدي زر بمجرد الضغط عليه يختفي هذا الضجيج
احيانا احب وحدتي واسعى لها
احيانا اخرى اهرب منها
لكن في معظم الاوقات لا اشعر بنفسي ولا اعثر عليها الا وانا وحدي

قصيدة الميدان للشاعر عبد الرحمن الابنودي

ايادي مصرية سمرا ليها في التمييز

ممددة وسط الزئير بتكسر البراويز

سطوع لصوت الجموع شوف مصر تحت الشمس

آن الأوان ترحلي يا دولة العواجيز

عواجيز شداد مسعورين أكلوا بلدنا أكل

ويشبهوا بعضهم نهم وخسة وشكل

طلع الشباب البديع قلبوا خريفها ربيع

وحققوا المعجزة صحوا القتيل من القتل

اقتلني قتلى ما هيعيد دولتك تاني

بكتب بدمى حياة تانية لأوطاني

دمي ده ولا الربيع الاتنين بلون أخضر

وببتسم من سعادتي ولا أحزاني

تحاولوا ما تحاولوا ما تشوفوا وطن غيره

سلبتوا دم الوطن وبشيمته من خيره

أحلامنا بكرانا أصغر ضحكة على شفة

شفتوتش الصياد يا خلق بيقتلوا طيره

السوس بينخر وسارح تحت أشرافك

فرحان بيهم كنت وشايلهم على كتافك

وأما أهالينا من زرعوا وبنوا وصنعوا

كانوا مداس ليك ولولادك وأحلافك

ويا مصر يا مصر آن العليل رجعتله أنفاسه

وباس جبين للوطن ما للوطن داسه

من قبل موته بيوم صحوه أولاده

إن كان سبب علته محبته لناسه

الثورة فيضان قديم

محبوس مشافوش زول

الثورة لو جد متبانش فى كلام أو قول

تحلب وتعجن فى سرية تفور فى القلب وتنغزل فتلة فتلة فى ضمير النول


متخافش على مصر يا با مصر محروسة

حتى من التهمة دى اللى فينا مدسوسة

ولو أنت أبوها بصحيح وخايف عليها

أي تركتها ليه بدن بتنخره السوسة

وبيسرقوكى يا الوطن قدامنا عينى عينك

ينده بقوة الوطن ويقلى قوم

فينك ضحكت علينا الكتب بعدت بينا عنك

لولا ولادنا اللى قاموا يسددوا دينك

لكن خلاص يا وطن

صحيت جموع الخلق قبضوا على الشمس بأيديهم

وقالوا لا من المستحيل يفرطوا عقد الوطن تاني

والكدب تاني محال يلبس قناع الحق

بكل حب الحياة خوط في دم اخوك

قول أنت مين للي باعوا حلمنا وباعوك وأهانوك

وذلوك ولعبوا قمار بأحلامك

نيران هتافك تحرر صحبك الممسوك

يرجعلها صوتها مصر تعود ملامحها

تاخد مكانها القديم

والكون يصالحها عشرات السنين تسكونوا بالكدب فى عروقنا

والدنيا متقدمة ومصر مطرحها

كتبتوا أول سطور فى صفحة ثورة

وهما علما وخبرة مداورة ومناورة

وقعتوا فرعون هرب من قلب تمثاله

لكن جيوشه مازالوا بيحلموا ببكره


صباح حقيقي ودرس جديد أوي في الرفض

أتارى للشمس صوت وأتاري للأرض نبض

تانى معاكم رجعنا نحب كلمة مصر

تانى معاكم رجعنا نحب ضحكة بعض

مين كان يقول ابننا يطلع من النفق

دي صرخة ولا غنى وده دم ولا شفق

أتاريها حاجة بسيطة الثورة يا أخوانا

مين اللي شافها كده مين أول اللى بدأ

مش دول شاببنا اللي قالوا كرهوا أوطانهم

ولبسنا توب الحداد وبعدنا أوي عنهم

هما اللي قاموا النهارده يشعلوا الثورة

ويصنفوا الخلق مين عنهم ومين خانهم


يادي الميدان اللي حضن الفكرة وسهرها

يادي الميدان اللي فتن الخلق وسحرها

يادي الميدان اللي غاب اسمه كتير عنه وصبرها

ما بين عباد عاشقة وعباد كارهة


شباب كان الميدان أهله وعنوانه

ولا في الميدان نسكافيه ولا كابتشينو

خدوده عرفوا جمال النوم على الأسفلت

والموت عارفهم أوي وهما عارفينه

لا الظلم هين يا ناس ولا الشباب قاصر

مهما حاصرتوا الميدان عمروا ما يتحاصر

فكرتنى يا الميدان بزمان وسحر زمان

فكرتني بأغلى أيام فى زمن ناصر

شايل حياتك على كفك صغير السن

ليل بعد يوم المعاناة وأنت مش بتأن

جمل المحامل وأنت غاضض

بتعجب أمتي عرفت النضال

اسمحلي حاجة تجن

أتاريك جميل يا وطن مازلت وهتبقى

زال الضباب وانفجرت بأعلى صوت

لا حركتنا نبتسم ودفعت أنت الحساب

وبنبتسم بس بسمة طالعة بمشقة

فينك يا صبح الكرامة لما البشر هانوا

وأهل مصر الأصيلة اتخانوا واتهانوا

بنشتري العزة تاني والتمن غالي

فتح الوطن للجميع قلبوا وأحضانوا

الثورة فيض الأمل وغنوة الثوار

الليل إذا خانه لونه يتقلب لنهار

ضج الضجيج بالندا اصحى يا فجر الناس

فينك يا صوت الغلابة وضحكة الانفار

وإحنا وراهم أساتذة خايبة

تتعلم ازاي نحب الوطن وامتى نتكلم

لما طال الصدى قلبنا ويأسنا من فتحه

قلب الوطن قبلكم كان خاوي ومضلم

أولنا في لسة الجولة ورا جولة

ده سوس بينخر يا أبويا في جسد دولة

أيوه الملك صار كتابة إنما أبدا

لو غفلت عينا لحظة هيقلبوا العملة

لكن خوفي مازال جوه الفؤاد يكبش

الخوف اللي ساكن شقوق القلب ومعشش

واللى مش راح يسيبه ولسه هيقبوا

وهيلاقولهم سكك وببان ما تتردش

وحاسبوا أوي من الديابة اللي في وسطيكم

وحاسبوا أوي من الديابة اللي في وسطيكم

وألا تبقى الخيانة منكم وفيكم

الضحك على البق بس الرك على النيات

فيهم عدوين أشد من اللي حواليكم

احــلـم مـعـايا ... ببكره جاى

احــلـم مـعـايا ... ببكره جاى
و لو ماجـاش ... احنا نجيبه بنفسنا
نبدأ نحاول فى الطريق
كتر الخطاوى تدلنا على حلمنا


مهما نقع نقدر نقوم
نشق نتحدى الغيوم
نلاقى ليلنا ألف يوم


بس احنا نحلم


احلم معايا يا صديق
تطوى الخطى أرض الطريق
يهمنى حلمى البرئ
مهما يكون


يفضل بروحه جمبنا
مها يطول بينا الطريق
لو حتى توهنا يا صديق
يرجع لقانا يضمنا


على حلمنا


بس احنا نحلم