تعالو احلمو معايا  هتقولى  بس هنحلم باية  وكل احلامنا مبتتحققش

 لا احلم ايوة  احلم بكل حاجة نفسك تحققها

بس لازم نقول يارب ونعمل ال ربنا طالبو مننا عشان يبقا راضى عننا ويحقق لنا كل احلامنا 

 انا عن نفسى  بحلم وهحلم لاغيت اخر يوم فى عمرى ومسير احلامى هتتحقق

عرفين انا نفسى فى اية           نفسى  كلنا نحب بعض بجد بصدق من غير غش وخداع من غير وشوش 

عارفين انا بتخنق جدا من الناس الكدابة ال بلبسو وشوش اودام كل واحد وش شكل  ولا الواحد لما يكون عاوز حاجة من حد يبينلة انة هو ملاك  وهو اصلا  شيطان  بس متخفى فى وش ملاك   نفسى كل واحد  بدل ميعمل نفسة ملاك يحاول  يحسن من نفسة  بجد كل واحد فينا جواة حاجة حلوة اوى لازم نحاول نعمل بيها 

عارفين نفسى حاجات كتير تحصل فى  حياتنا  مثلا :-

نفسى كل ولد ميعكس اى بنت  ماشية اودامة  لو هيا متبرجة انت ابقا احسن منها  ومتبصلهاش اصلا  هيتردلك  فى اخواتك لو حد حاول يعاكسهم  ربنا هفتكرلك ال انت عملتة  لانك كما تدين تدان ايو كما تدين تدان فاعمل الصح بدل متعمل الغلط لان الغلط  هيحصلك  فى اختك او امك او زوجتك او بنتك بعد كدا عشان كما تديــــــــــــــن تدان.

ونفسى كمان نشتغل بضمير منغشش منكسلش  مستهترش بالوقت منضيعش وقتنا فى حاجات تافة ممكن  نعمل حاجات مفيدة 

فى الوقت دة  اكيد ممكن تقراء كتب  عن  تاريخ بلدنا  او تتعرف عن معلومات جديدة  او  اقراء الجرايد اعمل اى  حاجة مفيدة 

وكمان نفسى كل واحد يخلية فى حالة  ملهوش دعوة بحد ميقعدش ينقد فى البس او المظهر او اى حاجة تخص غيرة بلاش متعرفش الحاجة دى ممكن تاثر فى غيرك ازاى فبلاش احسن 

نفسى اشوف بلدنا  جميل ونضيفة وكل واحد يحافظ على المكان ال هو فية اى مكان  جناين شوارع اى مكان  اعتبرة بيتك 

ونفسى يبقا فى تساوى مبين الناس مش عشان واحد  اغنى من واحد يعاملة ولا اكنة خادم عندة لية منعملش بعضنا زى الاخوة منفرقش مبين بعض فى اى حاجة

 ونحب بعض اوى ونخاف على بعض  حب لاخيك ما تحبة لنفسك اعملو بالحكمة دى 

                                       يارب كل واحد بيحلم بحاجة تتحق 

                       

                         بجد انا عندى حاجات كتير اوى نفسى  تتغير 

                          انا هقول يااااااااااااااااااااااااااااااااااااااااااارب 

                                                                                                                                                             حلم / دعاء حسينى